Interi e a mposhtur 3-0 Torinon. Ekipi i Contes i është afruar sërish në një pikë Juventusit

Interi i Antonio Contes ka vazhduar me formën e mirë në Itali, duke treguar se e ka seriozisht për titull në Serie A.

Inter e mposhti në udhëtim Torinon 3-0, duke u rikonfirmuar kështu edhe njëherë se është rivali më i madh u Juves për Scudetto.

Edhe në këtë ndeshje shkëlqyen dyshja që janë përshtatur shumë mirë në fushë, Lautaro Martinez dhe Romelu Lukaku, që shënuan nga një gol, derisa realizoi edhe mbrojtësi De Vrij.

Pas kësaj fitore, Interi ka shkuar në kuotën e 34 pikëve, një më pak se Juventusi.