Vedat Muriqi është pranë debutimit si startues me Lazion

Lazio të shtunën luan në shtëpi kundër Bolognas në kuadër të javës së pestë në Serie A, shkruan Reporteri.net

Simone Inzaghi ka bërë të ditur se Muriqi mund të startojë nga minuta e parë në këtë përballje.

“Vedat Muriqi mund të startojë nga fillimi. Të gjithë sulmuesit e mi do të jenë të gatshëm. Ai dhe Felipe Caicedo ndihmuan ekipin shumë kundër Borussia Dortmundit,” ka thënë Inzaghi.

Ndryshe, Muriqi u transferua te Lazio nga Fenerbahce në afatin kalimtar të verës për shumën rreth 20 milionë euro. /Reporteri.net/