Italia vajton ikjen e Tarcisio Burgnich, ish-kampionin e Europës në vitin 1968, i cili u dorëzua dy vite më pas në finalen e Kupës së Botës, në Meksikë ku “Axurrët” u mundën nga Brazili.

Burgnich, i cili aktivizohej si mbrojtës, e kishte nisur karrierën tek Udinese, ndërkohë që ka mbajtur veshur fanellën e Juventusit, Palermos, Interit dhe Napolit, ku e mbylli karrierën në vitin 1977.

Më pas ai vazhdoi karrierën si trajner, duke drejtuar deri në vitin 2001, kur ishte për herë të fundit në krye të Pescara.

Italiani u nda nga jeta në moshën 82-vjeçare dhe mesazhet e ngushëllimit në vendin fqinj janë të shumta.

Burgnich gjatë karrierës së tij u shpall 5 herë kampion Italie, fitoi një herë Kupën e Italisë dhe triumfoi 2 herë në Champions League me fanellën e Interit.