Kryeministri shqiptar Edi Rama i është gëzuar fitores së Italisë në ndeshjen e parë të “EURO 2020”.

Pasu fitores me tre gola epërsi të axurrëve, Rama ka publikuar disa fotografi.

Kujtojmë se Italia ka mundur 3-0 Turqinë në ndeshjen hapëse të Euro 2020.

Pas një pjese të parë të mbyllur në barazim pa gola, “Axurrët” kanë siguruar tri pikët e para në Grupin A në 45 minutat e dyta.

Sfida e Olimpico-s është zhbllokuar në minutën e 53-të nga një autogol i Demiral. Kjo ka qenë edhe hera e parë në historinë e Europianit që goli i parë i kampionatit ka qenë një autogol.

Në minutën e 66-të, Immobile ka dyfishuar për ekipin e Mancini-t, duke shënuar edhe golin e tij të parë me Italinë në një kompeticion madhor (Europian/Botëror). Goli i tretë dhe i sigurisë për “Axurrët” është shënuar nga Insigne në minutën e 79- të.

Për herë të parë në historinë e saj, Italia ka shënuar tre gola në një ndeshje të Kampionatit Europian.