Para pak çastesh ka përfunduar takimi ndërmjet Sampdorias dhe Juventusit, duel ky në kuadër të xhiros së 17’të në Seria A.

Të parët që shënuan ishin “zebrat”, ku përmes Dybala-s në minutën e 19’të të takimit kaluan në epërsi, shkruan Reporteri.net.

Dybala shënoi një gol të bukur me volej, pas një harkimi fantastik nga Alex Sandro.

Kështu, vetëm pak minuta më vonë Sampdoria barazoi rezultati në 1:1, me golin e shënuar nga Caprari në minutën e 34’të takimit, ndërsa në minutat e fundit të ndeshje, ai u ndëshkua me karton të kuq.

Ndërkaq, golin e fitores për “Zonjën e Vjetër” e shënoi Ronaldo, pas një shkëputje të çmendur, ku goditi topin fuqishëm me kokë dhe dërgoi në rrjetën e kundërshtarit.

Nga kjo fitore, Juve zë vendin e parë në tabelë, duke i lënë parapa rivalët Inter që aktualisht ndodhen në pozitën e dytë me 39 pikë.