“Bianconeri” kanë konfirmuar se gjatë janarit nuk do të jenë në garë për mesfushorin kroat.

Juventusi nuk është i interesuar për transferimin e Ivan Rakiticit.

Mesfushori kroat është i pakënaqur me situatën e tij aktuale tek Barcelona dhe pritet të largohet gjatë janarit.

Nënkampioni i botës me Kroacinë nuk po ka hapësira të mjaftueshme në ekipin e Ernesto Valverdes dhe e ka paralajmëruar largimin.

Kohëve të fundit flitej se Juventusi ia kishte vënë syrin ish-futbollistit të Sevillës, por gjithçka ka sqaruar drejtori sportiv i klubit italian, Fabio Paratici.

“Rakitic është lojtar i madh, por ne nuk jemi të interesuar për të”, ka thënë ai për ESPN.

Rakitic i ka zhvilluar vetëm 8 nga 13 ndeshje me Barçën në La Liga këtë sezon.

Interesim për të kanë shfaqur dy klubet italiane, Inter e Milan.