×
  • Sport
  • Sport

    Juventusi po përpiqet të nënshkruajë me Dembelen si transferim falas

    Reporteri
    11 Shtator 2021 | 10:12

    Ousmane Dembele është futur në vitin e fundit të kontratës me Barcelonën.


    Sulmuesi francez është bashkuar me gjiganti spanjoll në verën e vitit 2017, derisa tanimë është futur në vitin e fundit të kontratës.

    Barcelona i ka ofruar rinovimin edhe për pesë vite të tjera, por marrëveshja ende nuk është afër.

    Duke parë situatën e paqartë mes lojtarit dhe klubit, Juventusi po përpiqet të përfitojë për ta bindur lojtarin të transferohet në Torino.

    Mediat italiane kanë raportuar se Zonja e Vjetër është e gatshme të nënshkruajë me lojtarin një parakontratë në janar, në mënyrë që ai t’iu bashkohet atyre në verën e vitit 2022 si transferim i lirë.

    24-vjeçari ka shprehur dëshirën për të mbetur te Barcelona, por gjiganti katalunas duhet t’ia plotësojë kërkesat financiare.

    Dembele u bashkua me katalunasit në verën e vitit 2017 për një pagesë prej 135 milionë euro, derisa vlera e tij tani sillet rreth 50 milionë.

    Vlen të theksohet se interesim për francezin kanë shfaqur edhe skuadrat angleze si Arsenal dhe Manchester United.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!