Kombëtarja e Kosovës po gëzon formë të lartë në dy vitet e fundit në futboll, ndërsa në 18 ndeshjet e fundit ka pësuar vetëm një humbje, atë nga Anglia 5-3

Kosova njihet për lojën e saj sulmuese dhe në dy vitet e fundit vetëm në një ndeshje nuk ka arritur të shënojë, shkruan Reporteri.net

‘Dardanët’ nuk arritën të shënonin në portën e Azerbajxhanit në ndeshjen që u luajt në Baku vitin e kaluar dhe që u mbyll me rezultat 0-0.

Kamran Agayev është portieri i vetëm që e ka mbajtur portën e paprekur në dy vitet e fundit në përballjet e Kosovës.

Një gjë të tillë nuk kanë arritur që ta bëjnë as portierët me nam si Jordan Pickford i Anglisë, që pësoi tri gola dhe Kasper Schmeichel i Danimarkës që pranoi dy gola nga Kosova./Reporteri.net/