Kosova e ka deklasuar Lituaninë në “Fadil Vokrri”, para ndeshjeve të rëndësishme kundër Suedinë dhe Spanjës, duke triumfuar 4-0. Ajo çfarë u vërejt ishte rikthimi i Arbër Zenelit në përfaqësuesen kosovare me dy golësh.

Gjatë 90 minutave, yjet e Kosovës kanë dhuruar spektakël duke treguar lojë të bukur për sy, e cila rezultoi me katër gola në stadiumin ‘Fadil Vokrri’.

“Dardanët” kanë dhuruar paraqitje të shkëlqyer në miqësore kundër Lituanisë, duke triumfuar 4-0.

Goli i parë u shënua në 45 minutat e para të ndeshjes, derisa tre të tjerë në atë të dytën.

Gjithçka nisi me golin e bukur të Arbër Zenelit, në minutën e 27-të, nga një goditje e fuqishme dhe precize.

Në pjesën e dytë, pak para se të largohen nga loja, Milot Rashica dhe Vedat Muriqi sollën golin për 2-0 pas një kombinimi të bukur. Sulmuesi i Lazios e dërgoi topin në rrjet.

Në minutën e 70-të, Zeneli, që tregoi një paraqitje fantastike kundër Lituanisë, e mposhti edhe një herë, duke realizuar për 3-0.

Pak minuta më vonë, në atë të 79-të, realizoi edhe Besar Halimi, me një goditje precize.

Ndonëse hyri në lojë në pjesën e dytë, Halimi e gjetir golin për 4-0 në minutën e 79-të, që doli të jetë rezultati përfundimtar i këtij takimi.

Kjo miqësore për Kosovën ishte e rëndësishme para ndeshjeve kualifikuese për Botërorin “Katar 2022”.

Të dielën, Dardanë do të presin në Fadil Vokrri Suedinë e Zlatan Ibrahimovic, derisa të mërkurën (31 mars), do të udhëtojnë në Spanjë për t’u përballur me super ekipin e Luis Enriques.