Në Brod të Dragashit, Federata Skitare e Kosovës organizoi për herë të dytë garën ndërkombëtare në nivel të FIS-it (Federatës Ndërkombëtare të Skijimit), “DARDANIA CUP – Arxhena” për kategoritë (U14 & U16) në disiplinën e Sllallomit (SL) dhe Sllallomit të Madh (GS).

Në këtë garë ndërkombëtare kanë marrë pjesë garuesë të reprezentacioneve të shteteve nga Shqipëria, Maqedonia, Sllovakia, Hungaria, Turqia dhe Kosova.

Kosova arriti rezulatate shumë të mira duke fituar gjithsejt 6 medalje, 2 të arta dhe 4 të bronzta.

Në kategorinë e femrave U16 në disiplinën e Slalomit të madh vendin e parë dhe medaljen e artë e fitoi Lirika Deva dhe vendin e 3 dhe medaljen e bronztë e fitoi Elena Hoxha.

Në kategorinë e femrave U14 në disiplinen e Slalomit të madh vendin e 3 dhe medaljen e bronztë e fitoi Klara Sefaj.

Në kategorinë e femrave U14 në disiplinën e Slalomit vendin e 3 dhe medaljen e bronztë e fitoi Klara Sefaj.

Në kategorinë e femrave U16 në disiplinën e Slalomit vendin e 1 dhe medaljen e artë e fitoi Lirika Deva.

Në kategorinë e meshkujve U16 në disiplinen e Slalomit vendin e 3 dhe medaljen e bronztë e fitoi Klos Vokshi.