Andi Zeqiri shënoi dy gola për Zvicrën U-21 kundër Francës U-21

Andi Zeqiri po kalon në një formë të mrekullushme me Laussane, ndërsa dje tregoi paraqitje të madhe edhe me U-21 të Zvicrës, shkruan Reporteri.net

Zvicra U-21 e mposhti Francën U-21 me rezultat 3-1 në një ndeshje ku Zeqiri shënoi dy gola.

“Forca jonë është dinamika e grupit. Falë kësaj, është e mundur që një sulmues i Ligës së Challenge si Andi Zeqiri të shënojë dy herë kundër mbrojtësve të Bundesligës si Upamecano (Leipzig) dhe Zagadou (BVB),” ka thënë Mauro Lustrinelli, trajneri i skuadrës U-21 të Zvicrës.

Kujtojmë që FFK ka provuar të kontaktojë me Zeqirin muajve të fundit, por nuk ka pasur sukses, derisa tani është Kombëtarja A e Zvicrës që pritet ta ftojë në ndeshjet e ardhshme talentin me origjinë nga Kosova. /Reporteri.net/