Në vitin 2013 kundër Nathan Cleverly dhe në vitin 2015 kundër Jurgen Brahmer, Robin Krasniqi tashmë ka bërë dy herë përpjekje për një titull kampion bote, dy herë ka mbetur i pa kurorëzuar.

Pavarësisht kësaj, ai nuk u dorëzua asnjëherë, dhe sonte do të ketë përpjekjen e tretë për të marrë rripin e shumëkërkuar.

Për ëndrrën e madhe, ai duhet të mposht kampionin e përkohshëm të botës në IBO dhe WBA, Dominic Bosel.

Triumfi në këtë meç, do të ishte një përmbushje e një ëndrre të madhe dhe kulmi i një udhëtimi të gjatë dhe plot ngjarje për boksierin nga Juniku.

Ndeshja mes Krasniqit dhe Bosel zhvillohet me fillim nga ora 23:15.