Skuadra e Barcelonës mposhti 3:1 Napolin në ndeshjen për kualifikim në çerekfinale të UEFA Champions League në stadiumin “Luis Companys”.

Amir Rrahmani, kapiteni i Kombëtares së Kosovës shënoi golin e vetëm për italianët në këtë ndeshje.

Pas ndeshjes, kosovari tha se skuadra e tij krijoi shumë raste, por nuk arriti t’i konkretizonte në gol gjë që e dëmtoi ekipin e tij.

“Ishte e vështirë qysh nga fillimi, duke u përpjekur për të bërë presion të lartë, por duke bërë shumë gabime. Krijuam shumë, por nuk shënuam kur duhej”, u shpreh Rrahmani pas ndeshjes në SportMediaset.

Amir Rrahmani mbrëmë realizoi golin e parë në Ligën e Kampionëve dhe u bë kosovari i parë i Kombëtares “Dardane” që realizon në raundin 1/16 e finales në kompeticionin më të mirë në Europë.