Në Kupën Evropiane U21 e zhvilluar ditët e fundit në Athinë të  Greqisë, dy xhudistet kosovare, Fatjona Kasapi dhe Erza Muminoviq kanë arritur që të fitojnë medalje.

Lidhur me fitoren e radhës së kampionëve të xhudos nga Kosova ka reaguar edhe trajneri i xhudos, Driton Kuka, i cili me anë të një postimi në rrjetin social, Facebook, ka shkruar se është bërë traditë që shtetet të cilat nuk e njohin Kosovës të shkojnë xhudistat dhe t’i njoftojnë me realitetin.

“Traditë është ba që shtetet që ende sna njohin,shkojnē xhudistat dhe i njoftojnë me realitetin”, ka shkruar Kuka.

Postimi i plotë  :

“Kupa Evropiane U21 Athinë Greqi!

Dy medalje për Kosoven

Traditë është ba që shtetet që ende sna njohin,shkojnē xhudistat dhe i njoftojnë me realitetin.

Fatjona e artë sot ishte në krye të detyres në kategoinë 57 kg.

Mposhti me radhë garueset nga Izraeli,Polonia,Franca e në finale garuesen turke.
Qasja e saj serioze ka filluar të jap frytet dhe sukseset.

Erza sot fitoj medaljen e bronztë dhe performansa e saj nuk sihte ajo që realisht e ka dëshiruar marr parasysh që ishte favorit për medalje të artë.

Në Athinë përshtypje të mirë lan edhe Lorisi e Riosi që arritën të tregojnë që po vjen koha e tyre.

Arritën të shënojnë fitore dhe me pak më shumë taktikë do hynin në zonën e medaljeve.

Dardani fitoj dy luftëra dhe realisht kishte potencial për medalje por diçka me përqendrimin e tij gjatë luftës sishte si duhet.

Debora humbi dhe realisht ka potencial por shumë gjëra duhet ti përmirësoj,e poashtu të përkushohet seriozisht sepse ska kohë ma për qasje gjysmake”./Reporteri.net/