Ray Parlour i ka dalur në mbrojtje Granit Xhakës, i cili u kritkua me të madhe në ndeshjen e fundit kundër Tottenhamit

Granit Xhaka kishte shkaktuar penallti kundër Tottenhamit në ndeshjen që në fund përfundoi 2-2, shkruan Reporteri.net

Mesfushori prishtinas u kritikua me të madhe nga fansat e Arsenalit, të cilët nuk lanë gjë pa i thënë në rrjete sociale.

Por, tani është legjenda e klubit, Ray Parlour që i ka dalur në krahë Xhakës.

“Xhaka është i mirë me topin. Mund të pasojë me largësi 25 ose 30 metra. Në ndeshjen e fundit nuk ishte dita e tij. E di që nuk luajti mirë, por ai nuk duhet të lejojë që kjo ta shpërqendrojë,” ka thënë Parlour.

“Kur je kapiten mund të bësh gabime dhe t’iu ofrosh kundërshtarëve mundësinë për të shënuar. Për penalltinë, ishte një vendim i dobët nga ana e tij. Nuk mund të bësh atë faull. Duhet të mësoj nga këto gabime dhe të jetë më i disiplinuar në fushë,”. /Reporteri.net/