Emmanuel Petit ka thënë se Granit Xhaka nuk e meriton shiritin e kapitenit te Arsenali

Arsenali të hënën u mposht nga Sheffield United me rezultat 1-0, ndërsa legjenda e klubit nga Londra nuk po mund ta kuptojë se si është bërë Xhaka kapiten i skuadrës, shkruan Reporteri.net

“A mund ta imagjinoni Patrick Vieira në fushë atë të hënë? Ai do ishte duke u bërtitur shokëve të ekipit ‘çfarë dreqin jeni duke bërë!’,” ka thënë Petit për Paddy Power.

Francezi thotë se Guendouzi ndoshta do të ishte një kapiten më i mirë pasi sipas tij ai ka një zemër luani.

“Nuk e shoh këtë gjë te Xhaka. E shoh te Guendouzi, ai është një nga të paktët që do të fitojë çdo ndeshje. Ai ka një zemër luani.

“Mund të më thotë dikush se cili është kualiteti më i mirë që ka Xhaka?

“Nuk e kuptoj se si është bërë kapiten. Mungon lidershipi,”.

Kujtojmë që Xhaka muajin e kaluar edhe zyrtarisht u zgjodh si kapiten i skuadrës nga Unai Emery. /Reporteri.net/