Presidenti i i Federatës Kroate të Futbollit dhe ikona e Kroacisë, Davor Suker vlerësoi me superlative përfaqësuesen e Kosovës. 

Në një intervistë për gazetën “Alo”, golashënuesi më i mirë në Kupën e Botës së 1998 u shpreh optimist për kualifikimin e Kosovës në kampionatin e ardhshëm evropian të 2020-ës.

“Vlerësimi për Kosovën në futboll? Mendimi im për Kombëtaren e Kosovës është se ka shumë talente, është një Brazil i vogël, por nuk kanë mundësi ku të tregojnë kualitetet e tyre.

Shanset për t’u kualifikuar në EURO 2020? Kosova ka gjasa të mëdha për t’u kualifikuar pas barazimit ndaj Bullgarisë dhe një rezultati pozitiv në ndeshjen e radhës. Kosova në këtë grup mund t’u bëj ballë të gjithë kundërshtarëve.

Parashimi për ndeshjen e ardhshme me Malin e Zi? Natyrisht që mundet, sepse Mali i Zi ka humbur në kualitet në krahasim me katër vitet e kaluara. Ndërsa Kosova ka përparuar dukshëm.

Më i spikaturi i Kosovës? Nuk mund të dalloj ndonjërin. Përveç kapitenit tonë (Amir Rrahmani, luan me Dinamo Zagrebin, ekip ku Suker u rrit si lojtar profesionist) Kosova ka edhe shumë yje të tjerë, këtë edhe e kanë treguar por duhet akoma të kombinohen dhe të kualifikohen në evropian e shpresojmë më pas në të ardhmen edhe në botëror”,përfundoi simboli i futbollit kroat Suker.