Sulmuesi i Liverpoolit, Sadio Mane, ka dhuruar rreth 45 mijë euro për ta luftuar koronavirusin në vendin e tij të lindjes, në Senegal.
Sipas BBC, Mane vendosi t’i ndihmoj vendit të tij me një shumë solide, pasi pa që njerzit në vendin e tij ishin infektuar nga Covid-19, përcjellë Reporteri.net
Sulmuesi, gjithashtu përmes një video i’u drejtua vendit të tij, duke i thënë që të qëndrojnë në shtëpi dhe ta marrin më seriozisht këtë pandemi.
Numri i përgjithshëm i rasteve të konfirmuara me Covid-19 në Senegal ka arritur në 27, por dy prej tyre janë shëruar, thuhet në raportin e Ministrisë së Shëndetësisë atje.
Kujtojmë se kjo nuk është ndihma e parë që Mane bën për vendin e tij./Reporteri.net/