Maqedonia e Veriut e ka mposhtur Gjermaninë me rezultat 2:1.

Në golat e shënuar nga Maqedonia e Veriut, ishin mesfushorët shqiptarë Enis Bardhi dhe Arijan Ademi që asistuan.

Bardhi asistoi në golin e epërsisë të shënuar nga Goran Pandev (45’+2) derisa Ademi në atë të fitores që e realizoi Elif Elmas (85’).

Me këtë fitore, Maqedonia e Veriut ngrihet në pozitën e dytë në tabelë me gjashtë pikë, sa i ka edhe Gjermania që është e treta. Ndërkohë, grupit i prinë Armenia me nëntë pikë pasi më herët e mposhti edhe Rumaninë (3:2).