Kombëtarja e Spanjes në futboll do ta pres atë të Shqipërisë në stadiumin RCDE, në Barcelonë, për të zhvilluar mes tyre ndeshjen miqësore, ku ndeshja do të fillojë nga 19:45.

Bashkë me trajnerin e Spanjes, Luis Enrique ishte i pranishëm edhe kapiteni i kombëtares iberike, Jordi Alba, i cili foli për takimin me kuqezinjtë e Edi Rejës.

Futbollisti spanjoll theksoi se në futbollin e ditëve të sotme çdo kundërshatrë bën maksimumin dhe mund të fitojë ndeshjen.

“Më gëzon shumë fakti që kombëtarja vjen në Katalonjë dhe që njerëzit e mi mund ta shijojnë nga afër. Puna e trajnerit ka qenë spektakolare, pres gjithashtu një ambient spektakolar. Shpresoj që të mund të përmbushim objektivin e ndeshjes, pra ta fitojmë atë.

Mundohem t’i ndihmoj të rinjtë, siç kanë bërë të vjetrit më parë me mua, mundohem t’i këshilloj. Të surprizon shumë kualiteti i tyre, unë në moshën e tyre luaja në stadium modeste ndërsa disa prej tyre ishin në Europian dhe tashmë do të shkojnë në Botëror.

Spanja e meriton të jetë në Botëror, nuk është e lehtë sepse në futbollin e sotshëm secili kundërshtar mund të mposhtë. Këtë e patë me Italinë, një Kampione e Europës që nuk do të jetë në Botëror. Për publikun ishte një surprizë e madhe, por është gjithnjë e më e vështirë të një ndeshje”, u shpreh Alba.