Reperi i njohur kosovar, Kreshnik Fazliu i njohur si “MC Kresha”, që njihet edhe si një adhurues i madh i futbollit, ka marrë licencën C të trajnerit.

‘Mc Kresha’ ka përfunduar të gjitha trajnimet e UEFA-s për licencë C, në Tiranë.
Diploma C e UEFA-s kërkon një minimum prej 60 orësh arsimimi, një minimum prej 15 orësh shpenzohen për të studiuar përmbajtjen interaktive të udhëhequr me një minimum 10 orë të përbërë nga përvoja e punës.

Pas repit, këngëtari i mirënjohur pritet t’i kthehet ëndrrës së tij fëmijërore të merret me sportin e futbollit.

Gjatë fëmijërisë “MC Kresha” është marrë me futboll dhe ka qenë pjesë e klubit “Trepça”, si portier.

Një lëndim në gju ia ka pamundësuar Kreshnikut të vazhdojë karrierën për tu bërë futbollistë profesionist.

‘Kresha’ është një tifoz i zjarrtë i Liverpool-it dhe e njeh mjaftë mirë sportin e futbollit./RTV Dukagjini/