Shkrimet denigruese të mediave serbe ndaj yllit shqiptar nuk kanë fund.

Së fundmi urrejtja e tyre ka tejkaluar edhe kufijtë. Në shkrimin e fundit gazeta propaganduese serbe “Kurir” është marrë edhe me prindërit e Shaqirit, transmeton Reporteri.net.

Konkretisht kjo gazetë shkruan se babai i Shaqirit ishte në lidhje me një këngëtare të njohur serbe, themeluese e Ansamblit “Xherdan”, prej ku siç aludon kjo gazetë ka lindur edhe ideja për emrin e Shaqirit.

Mira Vasiljeviq, e cila vdiq më 23 mars në moshën 84 vjeçare, pas një sëmundjeje të gjatë dhe të rëndë, ishte këngëtare e njohur serbe, e cila me ansamblin e saj ka udhëtuar në mbarë botën, prej ku siç pretendon ky medium është njohur me babain e Xherdan Shaqirit.

Ndryshe kjo nuk është hera e parë që mediat serbe merren me jetën e Shaqirit. Ato duket se e kanë përjetuar shumë rëndë festimin e golit me simbolin e shqiponjës nga Xherdan Shaqiri në fitoren e Zvicrës ndaj Serbisë në Botërorin Rusia 2018./Reporteri.net