Lionel Messi këtë vit fitoi çmimin ‘The Best’ nga FIFA duke e mposhtur në garë Virgil van Dijkun dhe Cristiano Ronaldon

Kapiteni i Përfaqësueses së Nigaraguas, Juan Barrera ka thënë se vota e tij është manipuluar nga FIFA, shkruan Reporteri.net

Barrera ka treguar se nuk ka votuar për Messin këtë vit, derisa po del që FIFA ka manipuluar me votën e tij.

“Nuk votova për Messin”, ka thënë Barrera i hutuar kur pa se emri i tij ishte në listën e kapitenëve që kishin votuar për sulmuesin e Barcelonës.

Ai shpjegoi se vitin e kaluar i kishte ardhur një email nga FIFA, ku i dërgonin një link ku ai do të votonte, ndërsa këtë vit tregoi se nuk i ka ardhur asnjë njoftim dhe nuk ka votuar. /Reporteri.net/