Burimet franceze raportojnë se Milani do të festojë kualifikimin në Champions League duke tentuar të nënshkruajë me Riyad Mahrez nga Manchester City, shkruan Reporteri.net. 

Kuqezinjtë e siguruan vendin e tyre në Ligë të Kampionëve falë fitores së mbrëmshme në kohën e ndërprerjes 2-1 ndaj Lazios, e cila garantoi një përfundim në top katërshe.

Kjo do të thotë investim i ri, së bashku me negociatat e avancuara për të shitur një pjesë ose të gjithë klubin tek fondi sovran i Bahreinit Investcorp.

Sipas Footmercato, Milani i ka vënë sytë te Mahrez për të përforcuar frontin sulmues dhe për të sjellë përvojë të vlefshme në krah.

Ai sapo mbushi 31 vjeç në shkurt dhe mund të luajë në një sërë rolesh sulmuese, veçanërisht në krahun e djathtë, ku kuqezinjtë kanë ngecur që një kohë të gjatë.

Algjeriani është në formë të mirë me 23 gola dhe tetë asistime në 42 ndeshje konkurruese për Manchester City këtë sezon.

Kontrata e tij do të skadojë në qershor 2023.

Veç Milanit, për Mahrez janë të interesuar edhe nga Real Madrid, Barcelona dhe Paris Saint-Germain.