Milot Rashica sot ishte vendimtar për Werder Bremenin ku shënoi dy gola në ndeshjen kundër Wolfsburgut

Ylli nga Vushtrria realizoi një gol nga penalltia dhe një nga loja e hapur, por në të dy rastet festoi duke bërë shqiponjën me duar, shkruan Reporteri.net

Rashica festoi në këtë mënyrë në shenjë solidarizimi me viktimat e tërmetit në Shqipëri.

Në tërmetin që goditi të martën e 26 nëntorit humbën jetën mbi 50 persona dhe rreth 1 mijë persona u lënduan.

“Për Shqipërinë,” shkruan Rashica në Facebook.

Kujtojmë që 23 vjeçari në të kaluarën kishte luajtur për Kombëtaren e Shqipërisë, ndërsa tani është pjesë e Kombëtares së Kosovës. /Reporteri.net/