Milot Rashica po vazhdon me superformën e tij për skuadrën e Werder Bremenit duke qenë edhe njëherë protagonist i gjermanëve.

Vushtrriasi ndihmoi ekipin e tij të barazonte me Freiburgun që për hir të së vërtetës, vetëm sekondat e ndanin nga fitorja, pasi ekipi mysafir barazoi krejt në fund të ndeshjes, shkruan Reporteri.net

Rashica në këtë ndeshje shënoi një supergol dhe dha një asist të bukur për bashkëlojtarin e tij, derisa trajneri i tij vendosi ta nxirrte nga loja në mënyrë që t’i merrte duartrokitjet e merituara të publikut.

Sidoqoftë, pas ndeshjes, Rashica është shprehur i zhgënjyer me rezultatin, por për t’ia ngritë disponimin është përkujdesur bashkëlojtari i tij te Kosova, Florent Hadergjonaj i cili i ka lënë një koment atij.

“Urime Mili, e bombardove bundesligen babo”, i ka komentuar ai.

Milot Rashica është ndër futbollistët më në formë në Evropë duke arritur të shënojë ose asistojë pothuajse në çdo ndeshje të luajtur./Reporteri.net/