Aksidentet nuk kanë fund në Formulën 2.

Pas atij aksidenti tragjik të regjistruar në Belgjikë, ku vdiq piloti francez, Anthoine Hubert një përplasje e dhunshme u regjistruar në Sochi.

Protagonistë ishin rusi, Nikita Mazepin dhe japonezi, Nobuharu Matsushita, të cilët dolën nga pista që në xhiron e parë të garës së së dielës.

Shpejtësia e madhe dhe shkelja e pengesave në zonën e pistës bëri që makinat të humbasin kontrollin dhe të përplaseshin furishëm me muret anësore.

Sikur të mos mjaftonte kjo, makina e Matsushita u përplas edhe nga njëvendëshja e Mazepin, duke pësuar dëmtime të shumta.

“Të dy Nobuharu Matsushita dhe Nikita Mazepin po transferohen në spital. Asnjë shofer nuk pësoi thyerje si rezultat i incidentit të xhiros së parë,” thuhej në një njoftim të FIA-s.

Sipas mediave ruse, gjendja e pilotëve është e qëndrueshme dhe jashtë rrëzikut për jetën.