Ngolo Kante vazhdon të befasojë tifozët, jo vetëm të Chelseat, por edhe të ekipeve kundërshtare madje.

Chelsea luajti kundër Liverpoolit të mërkurën në finalen e Superkupës së Evropës, të cilën e humbi pas ekzekutimit të penalltive, shkruan Reporteri.net

Ngolo Kante zhvilloi ndeshjen e parë nga fillimi këtë sezonë pasi kishte qenë i lënduar dhe kishte munguar edhe në parasezonën e klubit.

Pak para ndeshjes, Lampard kishte thënë se Kante është në dyshim për ndeshjen për shkak të një goditjeje që e kishte marrë në stërvitje.

Megjithatë, ai u rikuperua në kohë dhe arriti ta zhvillojë një ndeshje fantastike për blutë e Londrës.

‘With that mentality, work ethic, and desire to play for this club – I’m a happy man.’

Listen to what the boss had to say after yesterday’s game… ? pic.twitter.com/zXTdq9pIoP

— Chelsea FC (@ChelseaFC) August 15, 2019

Kur po zhvilloheshin shtesat e dy herë nga 15 minuta, në përfundimin e pjesës së parë të vazhdimeve, Kante i kishte thënë Lampardit se nuk mund të vazhdonte më, se këmbët e tij kishin vdekur, por trajneri i Chelseat nuk kishte mundësi më për zëvendësime.

Mirëpo, 5 minuta më vonë, kur Liverpooli ishte duke zhvilluar një kundërsulm të shpejtë, Kante vrapoi si një raketë, anipse i kishte thënë Lampardit se nuk mund të vazhdonte më.

Padyshim që Kante mbetet njëri ndër futbollistët më të dashur për tifozët e futbollit./Reporteri.net/