Futbolli, Argjentina dhe e gjithë bota humbën Diego Armando Maradonën.

Maradona, i cilësuar si një nga më të mirët në histori të futbollit, ka ndërruar jetë në moshën 60 vjeçare.

Lajmin për vdekjen e Maradonës, trajner shqiptar Ismet Munishi e ka kuptuar me pikëllim të madh.

Munishi gjithmonë në paraqitjet e tij ka përmendur Maradonen si idol të tij dhe se birit të tij ia ka vendosur emrin Diego, për shkak të futbollistit argjentinas.

“Ka vdekur futbollisti më i mirë i të gjithë kohërave, idoli i fëmijërisë. Idoli që e kam pasur si futbolllist. Unë do ta mbajë mend Maradonen si futbollisti që ka fituar Kupën e Botës me Argjentinën, futbollisti më i mirë i të gjithë kohërave pa asnjë pikë dyshimi, një pjesë e fëmijërisë time paska vdekur me Maradonën”, deklaroi Munishi për Insportin.

Ky lajm, tronditi botën e futbollit, që tanimë humbi njeriun e dashur, talentin e madh, dhe ish fituesin e Kupës së Botës.