Pas ndeshjes Angli – Kosovë, mediat angleze raportuan se Manchester United është duke e ndjekur sulmuesin Vedat Muriqi.

Madje, agjentë të skuadrës angleze e kanë vëzhguar nga afër sulmuesin kosovar edhe në kampionatin turk te Fenerbahce.

Trajneri i Manchester United, Ole Gunnar Solskjaer e ka pranuar që ekipi i tij do të kërkoj transferimin e të paktën një sulmuesi në afatin e ardhshëm kalimtar.

“Jemi të interesuar që në janar të transferojmë 1 apo 2 sulmues. Kundër Arsenalit do të jemi pa Marcus Rashford dhe Anthony Martial dhe pas ikjes së Sanchez e Lukakut po kemi probleme në këtë repart” deklaroi Solskjaer.

Ai nuk ka dashur të flasë për emra të përvetshëm, për të cilët është i interesuar Manchester United për t’i transferuar.