Vedat Muriqi ishte njëri nga më të mirët në fushë në ndeshjen me Çekinë ku edhe realizoi golin e barazimit

Kombëtarja e Kosovës e mposhti Çekinë 2-1 në Fadil Vokrri me golat të shënuar në këtë takim nga Vedat Muriqi dhe Mërgim Vojvoda, raporton Reporteri.net

Sulmuesi nga Prizreni po shkëlqen me fanellën e Kosovës dhe deri tani ka realizuar 6 gola për ‘Dardanët’ në 21 paraqitje.

Por, është Arbër Zeneli që është golashënuesi më i mirë te Kosova, ku deri tash ka 7 gola në 18 paraqitje.

Muriqi që tashmë ka nofkën ‘Luani’ ka mundësinë që ta tejkalojë me gola Zenelin, pasi ky i fundit nuk mund ta ndihmoj Kosovën edhe për një kohë shkaku i lëndimit që kishte pësuar ndaj Malit të Zi në Podgoricë. /Reporteri.net/