La Gazzetta dello Sport raporton se Napoli ka vënë në shënjestër mesfushorin e Empolit, Kristjan Asllani dhe tashmë ka siguruar shërbimet e Mathias Olivera dhe Khvicha Kvaratskhelia, transmeton Reporteri.net.

Napoli ende shpreson të fitojë titullin këtë sezon dhe të përgatisë nënshkrimet e para për verën.

Gazzetta konfirmon se Kvaratskhelia ka arritur një marrëveshje për t’u bashkuar me klubin dhe do të zëvendësojë Lorenzo Insigne në Stadio Maradona.

Corriere dello Sport raportoi më herët në prill se 21-vjeçari tashmë ka kaluar testet mjekësore në Napoli.

Nënshkrimi i Mathias Olivera nga skuadra e La Liga Getafe është një tjetër marrëveshje e përfunduar, sipas raportit.

Mbrojtësi i majtë 24-vjeçar do të zëvendësojë Faouzi Ghoulam, i cili do të largohet nga klubi në fund të kontratës së tij në qershor.

Aslalni, 20 vjeç, shihet si një përforcim i mundshëm në mes të parkut.

Mesfushori 20-vjeçar i Empolit është një nga perspektivat më interesante në Serinë A ku ka grumbulluar 18 paraqitje këtë sezon.

Reprezentuesi shqiptar është skautuar disa herë këtë sezon dhe Napoli do ta ndjekë me vëmendje në ndeshjen e ardhshme të Serie A në Stadio Castellani.

Shumë klube në Itali janë të interesuara për Asllanin, por Napoli është në marrëdhënie të mira me Empolin dhe mund të ofrojë Sebastiano Luperto, tashmë i huazuar në Toskanë, si pjesë e marrëveshjes.