Mediat kanë shkruar se Napoli i ka refuzuar ofertat nga Atletico Madrid dhe Olympique Marseille për Arkadiusz Milik, derisa sulmuesi nuk dëshiron që të transferohet në Fiorentina.

Napoli kërkon s’paku 15 milionë euro për ta shitur sulmuesin, i cili do të jetë lojtar i lirë kur i skadon kontrata e tij më 30 qershor.

Sipas Calciomercato.it, RMC Sport dhe gazeta spanjolle AS, Napoli e ka informuar kompaninë e Milik për propozimet e hedhura poshtë për shkak se ofertat kanë qenë shumë të vogla.

Atleti ka përgatitur një ofertë prej 6-7 milionë euro për polakun, derisa Marseille nuk do të jep 15 milionë euro për të.

I vetmi klub që është i gatshëm për të ofruar kaq para është Fiorentina, por Milik nuk dëshiron ti bashkohet një skuadre që është në pjesën e dytë të tabelës në Serie A.

Milik është ngrirë nga skuadra për tërë sezonin pasi që refuzojë të nënshkruar kontratë të re apo të pranojë transfer në skuadra të caktuara.