Sulmuesi brazilian Neymar sot refuzoi t’i bashkohet klubit të tij Paris Saint Germain në ftesën për nisjen e fazës përgatitore.

“Këtë të hënë, më 8 korrik, Neymar da Silva Santos Junior është ftuar të marrë pjesë në rifillimin e stërvitjeve me grupin profesional të PSG-së. Ai nuk është shfaqur në kohën dhe vendin e caktuar për stërvitje, pa pasur paraprakisht leje nga klubi”, thuhet në faqen zyrtare të klubit, transmeton Reporteri.net.

PSG shpreh keqardhje për këtë situatë dhe thotë se do të marrë masat e duhura, pa treguar çfarë dënimi mund t’ia shqiptojë sulmuesit brazilian.

Bojkotimi i stërvitjes nga Neymar është një sinjal i qartë se francezi nuk po dëshiron të qëndrojë në Francë.

Mediat e huaja kanë raportuar për një kthim të mundshëm të Neymarit te Barcelona, por emri i tij është lidhur edhe me Real Madridin.

Situata pritet të qartësohet gjatë këtij afati kalimtar veror. /Reporteri.net/.