Sipas La Gazzetta dello Sport, rreth 50% e tifozëve në Stadio Olimpico do të mbështesin Milanin sonte pasi tifozët e Lazios kanë hyrë në grevë në shenjë proteste kundër ngrijtjes së çmimit të biletave, shkruan Reporteri.net.

Rreth 12,000 nga 25,000 tifozët e pritur në Stadio Olimpico sonte do të mbështesin Milanin, ndërsa Curva Nord do të jetë bosh pasi ultrasit e Lazios kanë hyrë në grevë.

Shumica e tifozëve janë të pakënaqur me zgjedhjen e klubit për të rritur çmimet e biletave për lojën, megjithëse Claudio Lotito shpjegoi në fillim të kësaj jave se vendimi është në përputhje me atë që ndodhi gjatë sezoneve të fundit.

Ai shtoi gjithashtu se nuk shqetësohej nga protestat e tifozëve pasi ata që do të shkojnë në stadium do ta kritikonin gjithsesi.

Seksioni i tifozëve si mysafirë do të shitet me rreth 9500 tifozë të Milanit, ndërsa 2-3000 të tjerë do të shpërndahen nëpër seksionet vendase.

Siç thekson La Gazzetta dello Sport, loja do të jetë e ngjashme me një ndeshje të luajtur në terren neutral.