Kombëtarja e Kosovës tani ka regjistruar 7 ndeshje radhazi pa fitore, ku 6 prej tyre i ka humbje

Kosova sonte u mposhtë në Fadil Vokrri nga Sllovenia me rezultat minimal 1-0, në ndeshjen që ishte e vlefshme për Ligën C të Ligës së Kombeve, shkruan Reporteri.net

Haris Vuckic shënoi golin e fitores për sllovenët pas një kundësulmi shumë të mirë në minutën e 22-të.

Kosova u mundua që të kundërpërgjigjej, por pa ndonjë sukses.

Arbër Zeneli në minutën e 35-të gjuajti jashtë portës pas një askioni të mirë të ‘Dardanëve’.

Më pas ishin edhe Leart Paqarada dhe Bersant Celina që kërcënuan portën sllovene, por Jan Oblak priti goditjet e tyre.

Pas tre ndeshjeve të zhvilluara deri tani Kosova renditet në vendin e tretë me vetëm 1 pikë, aq sa ka edhe Moldavia, derisa Greqia dhe Sllovenia kryesojnë grupin me nga 7 pikë. /Reporteri.net/