Pasi u konfirmua ditë më parë se sezoni për Benjamin Kolollin kishte përfunduar, tani është konfirmuar edhe humbja e një tjetër ylli të Kosovës për shkak të lëndimit. Bëhet fjalë për anëtarin e Lazios, Valon Berishën.

Prej se u transferua në Lazio, Valon Berisha është përballur me lëndime të njëpasnjëshme, duke mos mundur ta kapë formën të cilën po e gëzonte në Salzburg, shkruan Reporteri.net

Ylli i Përfaqësueses së Kosovës është operuar në gju dhe do t’i duhet të qëndrojë jashtë fushave të blerta së paku deri në korrik.

Berisha u transferua në Lazio për 7 milionë euro, por nuk arriti të përmbushë pritshmëritë e trajnerit Inzaghi.

Ai ka thënë se pret të kthehet shpejt.

“Shpresoj të kthehem sa më shpejt”, ka shkruar Valoni në rrjetet sociale./Reporteri.net/