Novak Djokoviq është xhiruar duke kënduar këngë fashiste serbe përkrah prindërve të vet gjatë një vizite në Beograd javën e kaluar.

Djokoviq u rikthye në kryeqytetin serb për një vizitë të shkurtër javën e kaluar pas triumfit në Australian Open në fillim të këtij viti, ku e fitoi grand slamin e 22-të në karrierë.

Por tenisti 35-vjeçar, i njohur për qëndrimet e tij nacionaliste, u pa duke kënduar me plot zemër këngë nacionaliste në restorantin e familjes së vet në Beograd.

Djokoviq, babai i të cilit u lind në Zveçan, njihet si mohues i krimeve serbe në Bosnje dhe Kosovë dhe ka qenë kundërshtar i zëshëm i pavarësisë së Kosovës.

Djokoviq, i cili pasi Kosova e shpalli pavarësinë më 2008 doli me një mesazh kundërshtues duke e quajtur Kosovën Serbi, vazhdon të mbajë qëndrim të njëjtë edhe 15 vite pas.