Futbollisti portugez i Manchester Cityt, Bernardo Silva mund të dënohet deri në gjashtë ndeshje mos-lojë pasi po hetohet për ‘sjellje të keqe’ për postimin e tij ‘racist’.

Federata ka njoftuar se ai është akuzuar për mosrespektim të lojës për mesazhin e tij në Twitter rreth shokut të tij Benjamin Mendy muajin e kaluar, transmeton Reporteri.net

Silva postoi një foto të Mendyt si fëmijë i shkollës ngjitur me një karakter vizatimor që është simbol i çokollatës spanjolle ‘Conguitos’.

Mesfushori megjithatë ka marrë përkrahje nga Mendy, Sterling dhe Pep Guardiola, të cilët kanë insistuar se ajo nuk ishte më shumë se një shaka.

Por, aq i bën FA-së se çfarë mendojnë ata, pasi sipas tyre Silva i ka thyer rregullat dhe ka ngarkuar imazhe që kanë të bëjnë me ngjyrën e lëkurës.

Dënimi më i madh rreth kësaj çështjeje është 6-ndeshje mos-lojë, por ai mund të dënohet vetëm me 3 për shkak të rrethanave të incidentit./Reporteri.net/