Tashmë ka filluar takimi ndërmjet Prishtinës dhe Ballkanit, duel ky në kuadër të xhiros së 20 në Superligën e Kosovës në futboll.

Kjo ndeshje është e një rëndësie të veçantë, pasi klubi i drejtuar nga Ismet Munishi, ndodhet në pozitën e dytë në tabelën e Superligës, me 40 pikë të grumbulluar, dhe tenton që të rrëmbej pozitën e parë në rast se fiton sot në “Fadil Vokrri”, shkruan Reporteri.net.

Ndërkaq, Prishtina aktualisht ndodhet në vendin e 4’të në tabelë, ku ka 37 pikë të grumbulluara, dhe me një fitore sot nga vendi i tyre, do të kapin kreun e tabelës.

U prit që të kishte më shumë tifozë në tribunat e “Fadil Vokrrit”, por nga pamjet e siguruar nga Reporteri, shihet se në shkallët e stadiumit janë një numër solid i tifozëve.

Edhe pse nga raportimet e fundit mësohet se janë afro 5 mijë tifozë të pranishëm nga të dyja skuadrat, ky derbi kishte pritshmëri më të mëdha.