Ibrahim Dresevic i cili së fundmi u bë anëtari më i ri i Përfaqësueses së Kosovës, po shkëlqen në ekipin e tij në Holandë, SV Herenven.

Ai u ftua nga selektori, Bernard Challandes për ndeshjet ndaj Republikës Çeke dhe Anglisë, por që nuk gjeti minutazhë, shkruan Reporteri.net

Qendërmbrojtësi gjigant ka publikuar një video duke turpëruar kundërshtarin e tij me një aftësi që edhe i madhi Ronaldinho do t’ia kishte zilinë.

Ai ia kaloi topin ndër këmbë apo siç thuhet në zhargonin kosovar, ia qeli një imellë.

Ky është momenti kur ai e bëri horë kundërshtarin:

Ndryshe, Dresevic pritet të ftohet sërish nga selektori Challandes për ndeshjet ndaj Gjibraltarit dhe Malit të zi që zhvillohen në muajin tetor, kjo për shkak të formës së mirë që po e kalon ai./Reporteri.net/