Arbër Zeneli ka kryer me sukses një ndërhyrje kirurgjike në këmbë pas një lëndimi të rëndë.

Reprezentuesi i Kosovës ka kaluar me sukses operimin pasi kishte këputur ligamentet e gjurit të këmbës së djathtë.

Futbollisti kishte braktisur fushën e blertë në minutën e 38 të takimit në ndeshjen e Dardanëve kundër Malit të Zi në kuadër të kualifikimeve për Kampionatin Evropian të vitit 2020.

Sulmuesi i është drejtuar përmes rrjeteve sociale të gjithë fansave duke i falënderuar për përkrahjen që i kishin dhënë gjatë gjithë kohës.

“Operacioni shkoi mirë, fjalët tuaja e mira dhe përkrahja, do të më kthejnë më të fortë se kurrë. AZ17 dhe AZ10 po rimbushen”, ka shkruar ai ndër të tjerash në llogarinë personale në Instagram.

Ndryshe, 24-vjeçari besohet se do t’i mungojë shtatë deri nëntë muaj skuadrës franceze, Reims si dhe përfaqësueses sonë.

 

View this post on Instagram

 

The operation went well, your kind words and support with my dedication will bring me back stronger than ever. AZ17 and AZ10 is recharging?

A post shared by Arber Zeneli?????? (@azeneli17) on Jun 25, 2019 at 5:38am PDT