Fortesa Orana ka shënuar një fitore në Premier Ligën e karatesë, që po mbahet në Dubai të Emirateve të Bashkuara Arabe.

Orana e nisi mirë rrugëtimin e saj drejt medaljes? në kategorinë +68 kilogramë, duke mposhtur Pamela Rodriguez të Republikës Dominikane, ndërsa në të dytën humbi nga kampionia e botës 2018, grekja, Eleni Chatziliadou.

Orana shënoi suksesin më të madh nga garuesit kosovarë në Dubai, pasi Adelina Rama (-61 kg), Elhami Shabani (-75 kg) dhe Herolind Nishevci (+84 kg), nuk arritën të kalojnë luftën e parë.

Nishevci u mund 1:0 nga Seck Babacar i Spanjës, Adelina Rama u mposht 2:0 nga Anita Serogina e Ukrainës, medaliste e bronztë e Evropës 2019, ndërsa Elhami Shabani pësoi humbje nga Ivan Korabau i Bjellorusisë me vendim të gjyqtarëve, pasi rezultati ishte 1:1.

Gara e Dubai 2020 vlente për pikë Olimpike Tokyo 2020.