Arsenali është distancuar nga komentet që ka bërë Mesut Ozil në rrjetin social Instagram sa i përket persekutimit të myslimanëve në Kinë

Klubi nga Londra ka shumë tifozë në Kinë, derisa futbollisti i tyre doli haptaz kundër këtij vendi pas veprimeve të fundit që po iu bëhen myslimanëve atje, shkruan Reporteri.net

“Turkistani Lindor, plaga e përgjakur e Umetit, duke rezistuar kundër persekutuesve duke u përpjekur t’i ndajnë ata nga feja e tyre. Ata djegin Kuranet e tyre. Ata mbyllën xhamitë e tyre. Ata ndalojnë shkollat ​​e tyre. Ata vrasin njerëzit e tyre të shenjtë. Burrat janë detyruar të futen në kampe dhe familjet e tyre detyrohen të jetojnë me burra kinezë. Gratë detyrohen të martohen me burra kinezë.

“Por muslimanët heshtin. Ata nuk do të bëjnë zhurmë. I kanë braktisur. A nuk e dinë ata se dhënia e pëlqimit për përndjekje është vetë përndjekje? ” ka shkruar Ozil në Instagram.

 

View this post on Instagram

 

#HayırlıCumalarDoğuTürkistan ??

A post shared by Mesut Özil (@m10_official) on Dec 13, 2019 at 2:37am PST

Klubi i Arsenalit ka reaguar pas këtyre fjaleve dhe është distancuar në komenti i Ozilit sa i përket kësaj çështje.

“Sa i përket komenteve të bëra nga Mesut Ozil në mediat sociale, Arsenali duhet të bëjë një deklaratë të qartë,” lexohet në të.

“Përmbajtja e publikuar është mendimi personal i Ozil. Si një klub futbolli, Arsenali gjithmonë ka respektuar parimin e mos përfshirjes së tij në politikë,”.

Rreth 10 milionë ujgurë jetojnë në Xinjiang dhe ka pretendime se më shumë se një milion janë mbajtur në kampe paraburgimi gjatë viteve të fundit. Postimi i Ozil kishte renditur një sërë çështjesh me të cilat përballen ujgurët në Kinë, duke akuzuar muslimanë të tjerë se heshtnin për këtë temë.