Në një intervistë për The Athletic, futbollisti turko-gjerman i Arsenalit, Mesut Olzil fillimisht foli për ngjarjet tronditëse që e kanë ndjekur atë kohët e fundit – një foto me Presidentin turk Erdogan, një tërheqje nga kombëtarja gjermane, një përpjekje për ta grabitur atë dhe shokun e skuadrës Sead Kolasinac në Londër

Ozil dhe shoku i tij i skuadrës Ilkay Gündogan u takuan me Presidentin Erdogan përpara Kupës së Botës 2018 dhe pozuan për një foto që shkaktoi shumë zhurmë, debate dhe armiqësi.

“Ai është Presidenti i Turqisë dhe unë gjithmonë do t’i kushtoja respekt këtij personi, kushdo që të jetë. Megjithëse unë jam lindur dhe rritur në Gjermani, Turqia është pjesë e identitetit tim. Nëse Angela Merkel ishte në Londër, ne do të kërkonim të takoheshim. Me Erdogan ndodhi e njëjta gjë. Është shenjë respekti për zyrtarët më të lartë në vend”, tha Olzil.

“Pas kësaj fotografie, u ndjeva i pasigurt, askush nuk më respektoi. Kam marrë ofendime raciste, madje edhe nga politikanë, asnjë njeri nga kombëtarja nuk doli për të thënë: Ndaluni! Ai është lojtari ynë dhe ju nuk mund ta fyeni!” Të gjithë ishin thjesht të heshtur. Pritej që unë të kërkoja falje për takimin dhe të pranoja që kisha gabuar ose do të isha i padëshiruar për ekipin. Por kurrë nuk do ta bëj këtë”, tha Ozil, duke bërë akuza serioze në kurriz të shoqërisë gjermane.

“Racizmi ka qenë gjithmonë atje, tani është bërë i dukshëm për të gjithë. Ka një problem të madh me racizmin në Gjermani; ju keni parë sulmin antisemitik të krahut të djathtë në Halle kohët e fundit. Eshtë zhytur më thellë në shoqëri “, tha futbollisti i indinjuar.

Pas Kupës së Botës 2018, ai u tërhoq nga kombëtarja.

“Ishte vendimi i duhur. Njerëzit nuk duhet të më duan, por ata duhet të vlerësojnë atë që kam bërë për futbollin gjerman”, tha Ozil për The Athletic.