Tyson Fury është padyshim ndër boksierët më qesharak të kohës moderne dhe këtë e dëshmoi edhe mbrëmjen e kaluar.

Anglezi mposhti gjermanin, Tom Schwarz pas vetëm dy raundeve, duke e nokautuar atë dhe duke e gjakosur, shkruan Reporteri.net

Pas përfundimit të meçit dhe ceremonisë e cila jepet menjëherë pas ndeshjes, Fury kishte shkuar në dhomën e zhveshjes së gjermanit për t’i dhënë kurajo pas humbjes.

Ai madje e kishte shfrytëzuar rastin edhe të tallej me bashkëkombasin e tij, Anthony Joshua pasi ky i fundit i humbi titujt javë më parë.

“Ne pamë javën e kaluar që disa njerëz dorëzohen, trupat dorëzohen. I rëndë por ai nuk dëshironte të vazhdonte”, ka thënë Fury, duke thumbuar kështu Joshuan.

“Ti dëshiroje të vazhdoje, ti je djalë i mirë, mbaje kokën lartë dhe kthehu menjëherë në palestër”, i tha Fury atij përpara se t’i drejtohej babait të boksierit.

“Djali yt u ndesh mirë, ti duhet të jesh krenarë për të”, i tha Fury babit të gjermanit.

Pas këtij dueli, Furyn e pret dueli për t’i fituar titujt botërorë, e që janë në zotërim të amerikanit Deontay Wilder.

Kujtojmë që Wilder para disa javëve kishte konfirmuar rimeçin me Furyn, pasi anglezi do ta mposhte gjermanin Schwarz.

Dueli pritet të zhvillohet vitin e ardhshëm./Reporteri.net/