Pasi trajneri zviceran po korrë suksese me Kosovën, Ambasada e Zvicrës ka disa fjalë për ‘Dardanët’

Përfaqësuesja e Kosovës shënoi fitore të madhe mbrëmë duke mposhtur në ‘Fadil Vokrri’ Malin e Zi me rezultat 2-0.


Skuadra e Bernard Challandes ishte superiore prej fillimit e deri në fund, duke arritur madje të krijojë raste edhe për ta thelluar epërsinë, shkruan Reporteri.net

Kësaj fitoreje iu është gëzuar edhe Ambasada e Zvicrës në Kosovë duke i uruar edhe më shumë suksese ekipit të Bernard Challandes.

“Urime ekipit kombëtar të Kosovës, i cili e arriti edhe një fitore tjetër dje. Ne i urojmë Kosovës dhe trajnerit Challandes shumë suksese të tjera”, shkroi në Facebook Ambasada e Zvicrës në Prishtinë.

‘Dardanëve’ iu nevojitet një fitore kundër Çekisë dhe së paku një barazim ndaj Anglisë për ta siguruar plasmanin për në Euro 2020./Reporteri.net/