Milot Rashica u rikthye në stërvitje të plota me klubin pas një mungese tri javore për shkak të lëndimit muskularë që e la atë jashtë ndeshjeve kualifikuese të Kosovës.

Tani ai është në garë për një vend startues në vikendin që po vjen dhe ky lajm është i mirëseardhur jo vetëm për Rashicën, por edhe për selektorin Challandes i cili do ta ketë në top formë për ndeshjet e radhës, shkruan Reporteri.net

Lajmit për rikthimin e tij i janë gëzuar edhe yjet e Përfaqësueses së Kosovës, të cilët i kanë uruar mirëseardhje në mënyra të ndryshme.

Fillimisht ishte Valon Berisha ai i cili i la një koment inkurajues.

“Bravo vllaqko <3”, i ka komentuar ai yllit vushtrrias. Ndryshe, Miloti dhe Valoni janë shokë shumë të ngushtë.

Leart Paqarada i ka lënë një koment interesant atij.

“Po menxi ma se boll pauzove”, i ka thënë ai me shaka.

Në anën tjetër, Albert Bunjaku i ka komentuar vetëm me disa emoji të raketës, ashtu siç edhe e ka marrë nofkën Rashica.

Komente tjera kanë lënë edhe Lirim Kastrati, Ismet Munishi dhe klubi i tij Werder./Reporteri.net/