Pas çmimit të lojtarit të vitit, edhe çmimi për trajnerin e vitit ka shkuar tek Manchester City.

Trajneri spanjoll Pep Guardiola është zgjedhur trajneri më i mirë i sezonit 2020-2021 në Premier League, pasi ishte ai që udhëhoqi Manchester Cityn drejt titullit.

Tekniku deri tani numëron tre tituj të Premier League në një periudhë prej katër vitesh, duke e konfirmuar përsëri faktin, që mbetet ndër trajnerët më të mirë në qarkullim.

Pavarësisht se Guardiola arriti që të shpallet përsëri kampion i Anglisë dhe të fitojë për të katërtën herë radhazi Kupën e Carabaos, spanjolli nuk arriti të bënte të veten finalen e Ligës së Kampionëve përballë skuadrës së Chelseas.