×
  • Sport
  • Sport

    Përfundon ndeshja, Chelsea barazon ndaj Real Madridit

    Reporteri
    27 Prill 2021 | 23:01

    Ka përfunduar ndeshja mes Real Madridit dhe Chelseat me rezultat 1-1 në ndeshjen e parë në gjysmëfinale të Ligës së Kampionëve.


    “Los Blancos” dhe “Blutë” e Londrës zhvilluan 90 minuta të zjarrta në Madrid, dhe në fund, ishin mysafirët ata që u larguan me rezultat pozitiv, pasi barazimi 0-0 në ndeshjen e kthimit, do t’i dërgonte ata në finale të Champions League.

    Ani pse mysafirë, Chelsea bëri paraqitje fantastike dhe kaluan të parët në epërsi.

    Pak minuta pasi Timo Werner humbi një mundësi të artë, në atë të 10-të, doli në skenëPulisic, që kaloi edhe Thibaut Courtoisin duke realizuar për 0-1.

    Reali reagoi në minutën e 29-të, Karim Benzema e ka shfrytëzuar më së miri një top të ardhur në zonë pas disa prekjeve, për të shënuar një gol shumë të bukur dhe për të barazuar gjithçka.

    Ani pse edhe shumë minuta deri në fund, rezultati mbeti ai i pjesës së parë dhe sfida e kthimit javën e ardhshme në “Stamford Bridge”, do të jetë përcaktuese për të mësuar finalistin në Champions League.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!